العاصمة تصرخ انقذوني ارجوكم

بسم الله الرحمن الرحيم ،،

نخشو في الموضوع على طول

العاصمة تصرخ وتخاطب فيكم النخوة والشهامة والرجولة

شباب العاصمة وثوارها طلبو من ثوار المناطق والمدن الاخرى بعد تحرير العاصمة

وهذا لم يحدث الى اليوم ، ونسمع الاشتباكات يوميا وهناك قتلى ايضاً

هناك مسلحين مخمورين إلخ ..

طبعاً هناك نصب واحتيال من ثوار المدن الاخرى وهجوم على مواقع حكومية وتم نهبها

ومواقع شخصية وخاصة تم نهبها ممن هم يسمون انفسهم ثوار من خارج العاصمة

نسمع يومياً اصوات الرصاص والمدنيين يموتون رعباً من هذه الاصوات والانفجارات المخيفة

بالليبي / مش خديتو الصقر الي فوق كتيبة خميس ؟ مش خليتو باب العزيزية مش خنبتو تحت مسمى غنــائم ؟ مش تخدرتو ؟ مش صورتو مع البنات ؟ مش ع اساس حررتو العاصمة ؟

باهي خلاص العاصمة عندها ثوار وجيش وكل شئ ،، اطلعو ريحونا تربحو !!

كل يوم مشكلة بين هديكا المنطقة وهادي المنطقة ووين ؟ في العاصمة

باهي روحو كل واحد لمنطقته خلاص ارحمونا انخنقنا !! العاصمة تصرخ انقذوني ارجوكم

العاصمة خليتوها وشردتوها وخديتو سيارات ،، وقريب كل واحد يقطع جزء من العاصمة ويرفعها لمدينته ../


الآن شباب العاصمة اقفلو كل المنافذ والطرق احتاجا على بقاء من هم خارج العاصمة داخلها

وهناك اشتباكات يوم امس في كلية العلوم - جامعة طرابلس

وفي الظهرة ايضاً وشارع الزاوية اشتباكات بين ثوار طرابلس والبقية من هم خارجها !!

ياناس افهمو ،، بارك الله فيكم لما قدمتوه للعاصمة ،، حان وقت الرحيل !!


ملاحظة : بتقولو عليا طابور خامس قولو ،، المهم كلام الحق نقوله تبو ولا ماتبوش

بارك الله فيك حبيبتي منورة

مشكورين

ان شاء يعم الامان في كل انحاء بلادنا الحبيبة

مشكوره اناشاء الله طرابلس تكون الى الافضل و ليبيا حرة.

اناشاء الله ليبيا هادية هانية.