العيله الليبيه في 2050
البنت خايفــة : بابا بابا.... في واحد تافه و قليل أدب بعتلي إضافة......الأب : شنـــــــــــــــــوووووووو ؟!!....واحد باعتلك إضافة !! تي نهاره الي يدور فيه ! لما نفعصله رقبته !!.... الأم : يالطيف.. نهارك الاحرف يا بقرة !! مش قلتلك معاش تســهري علي الفيس!! و تسكري قبل لا تجي التســعة؟ توة تشوفي شن يدير فيك بوك..... ينط خوها الصغير : من هو هالحيوان ؟ قــولي ؟!.. والله نجيبله الفرندس و ننــزل فيه ريبورتات ورمللو الاكاونت متااعه .. تو تشـــوفي !!..
يجيها خوها الي داير روحه حكيـم و فاهم :يا أختي بلك الولد يبــيك بالحلال ؟ ...... ينطــ بوهــا: ياا حيوان !! شــن تخرف للبنت انت ؟! شن تقــول!!؟ كانه ولد عيلة و يبيها بالحلال ,راهو بعتلي اضافة انا مش لأختك ..لكن الحق عليها هياااا جابتلنا العار و الدوة بين الصفحات ... و عطا البنية كف علي وجهها !!..و يقوللها انتي تبي ترباية من أول و جديد ! هكي انا يقولوا عليا !! ما نعرفش نربي بناتي؟!!......اليــــــــــــوم اديري الغاء لحسابك ... الأم تقول : تي غر وسع بالك يا رجال البنت ضايفة صاحباتها البنات بــس و انا نعرف كل امهاتهم ضايفتهم عندي و نعرفهم وحدة وحدة....يرد عليها الأب : أصلا هذه ربايتك انتي الفرخة ... روحي و أنتي بلوك بالتلاتة ... بلوك .. بلوك ... بلوك .... و العيلة تتشرد و الجارة تحط لايك علي قد ماهيا فرحانه و متشمته فيهم